部分5（1/2）

第五章

上回讲到同左一个我唔算好锺意嘅人扑左一晚，以为可以忘记一啲野，忘记一个人，

不过好似起唔到作用之余仲有一种名嘅失落。

第二日因为无堂所以好晏先起身， roommate一返到入房就大吵大闹问点解会打唔到俾我，

其实我呢个朋友真係几好，由year one开始已经係同佢一间房，虽然佢个人係烦烦地又好长气，

仲要成日串串贡成日疾头疾势，不过如果有咩事佢会第一个出黎撑我，

撑完私底下又会好似哥哥咁哦我一大餐。

听佢嘈完我先记得原来熜左电话一路都未开返机，一开就见到几百个message，当堂吓亲，

好彩多数都係wtsapp group d无聊野，之后仲有roommate问我想食咩话买返黎俾我，

其实我知我係唔应该再奢想alvin会send msg俾我，亦唔可以丙再因为佢唔开心，

不过又边会咁容易放得低，睇晒都搵唔到佢嘅message都应该要明白可能大家谂法唔同，

可能根本就唔係我谂嘅咁。

日子就算唔开心都係要继续过嘅，我唯有收拾心情，收拾包袱出去打拳

跟住果个星期日，突然收到一个佢嘅voice msg

【你今日使唔使打拳呀？又话带埋我去，我今日得闲喎。

其实几日无同佢倾过计突然收到alvin嘅讯息其实我应该要开心嘅，

不过理性係话俾我知如果我咁落去会再受到伤，因为之前好hurt嘅经历其实我对自己好无信心

喺条件好嘅男仔面前我会觉得好自卑，总觉得佢地係唔会锺意我咁嘅男仔，

又或者係从雄性人类眼中唔会睇得我上眼。

跟着我都係无覆到佢msg，而佢好似竭而不捨咁一直咁搵话题

【你有野做紧唔得闲？

【你平时好多野讲个喎而家几日都唔讲野？

【有无听林峯首新歌show me呀？电台日日都播烦都烦死，歌词好好笑，你快啲听下啦

【喂喂，做紧咩呀！不如出黎睇场戏啦。

到最后我都係无覆佢，因为听到佢推荐果首歌歌其中一句歌词

『关闭的眼睛，开放的身躯。你一拉，我一推，从此喜欢过谁。』

我好想真係知道佢点谂，就算佢只係当我係个朋友，阿允嘅补习哥哥都好，

只係求一个死心，一个正当原因想过一个新生活。

可能佢见我咁耐都唔覆，直头打左个电话过黎，令我无得唔面对佢

alvin你忙紧？

我小小啦，同朋友出左去食饭，你搵我有咩事

alvin点解你今日唔覆我wtsapp嘅

我今日好多msg，都覆唔切，做咩？你有事搵我

alvin有呀！好大件事！你咁耐无叫我去会所做gym我唔记得左，个肚腩大左点计先？

我；咁都入我数，咁我之后提你多啲啰。